رواية رويتِ قلبى بعشقك (الحلقة الثانية) ...
بقلم : هناء عبدالشكور
في صباح يوم الاحد الموافق الواحد من مارس
ذهب مالك وهناء لحضور المؤتمر استقل مالك
سيارته وبجواره هناء متجها الي مطار الاقصر
هناء :انا فرحانه اوووووي يامالك
اول مرة اطلع بره بلدنا وكمان مش راحه اي حته، دي
اسكندريه مره واحده واروح بالطياره كمان حاسه
قلبي هيقف من الفرحه شكرا يامالك
مالك :مفيش شكر بينا يانؤتي
وبعدين فرحتك عندي بالدنيا
هناء هو احنا ممكن نبقي صحاب
يعني انا اقولك يانؤتي
وانتي تقوليلي، يابشهمندس كدة يعني
هناء بغضب مصطنع مغرور اوووي
مالك :اي ده بجد ده انا غلبان
هناء :امممم ماهو واضح
خلاص بصي انا مش عاوز
اقفش عليكي فنسكت احسن
ونسمع الكاست
واشغلت الاغنيه دي
ليه بيلوموني ليه اه لو يجوا يشوفوه
لون السما في عينيه
اما القمر ده اخوه
ده ملاك ومكانش بينا
بالصدفه نزلوه واعمل ايه هه اعمل اي
بوصف بس عيونه علي يومين
يبقي الباقي عاوزة ولا سنين
طب ده من المعجزات ولا معدي الخيال
مين اللي زيه فات في مسابقات الجمال
ده تقيل والتقل صنعه فعلا صدق اللي قال
واعمل اي هه اعمل اي.
ليه بيلوموني ليه اه لويجوا يشوفوه لون
السما في عينيه اما القمر ده اخوه ده ملاك ومكانش بينا بالصدفه نزلوه واعمل هه اعمل اي
ده بكلمه منه بنسي الدنيا كلها
وعشان عيونه مستعد اهدها
اول ماشوفته وابتسم قلبي انتهي
ده عيونه تسحر والبلاد تتفات لها
دورت ملقتش في جماله تصدقوا
طب هاتوا من الحلوين مثل ونطبقه
دي مش مجامله مش كلام بزوقه
لوعدي جنب الورد اتحدي تفرقوا
بوصف بس عيونه علي يومين
يبقي الباقي عاوزله ولا سنين
ليه بيلوموني ليه اه لو يجوا يشوفوه
لون السما في عينه اما القمر ده اخوة
ده ملاك ومكانش بينا بالصدفه نزلوه
واعمل هه
واعمل اي
نسيبهم ونروح مكان تاني خالص
في احدي الاحياء الراقيه في محافظه القاهره
سلوي :يالولو اصحي بقي بلاش كسل
ولاء:خمسه بس ياماما
سلوي:يابنتي هتتاخري علي شغلك
...ولاء........................
سلوي :بقي كده طيب طالما الزوق مش نافع
نستخدم الاساليب المهزئه ولا اي
ولاء:لا وعلي اي انا هقوم بكرامتي احسن
بس قوليلي ياماما هو حضرتك متاكدة انك من منطقه راقيه وكده
سلوي :بيقولوا
ولاء:كدابين اقسم بالله اكيد
، حضرتك اكيد من المدبح
وهما بيضحكوا علينا
سلوي :تصدقي ممكن انا لازم
اسأل في الموضوع ده
ثم تركتها وذهبت الي الدلوعه حياه.
سلوي :ياتوتا ياقمر اصحي يالا
حياه :ياصباح الجمر علي الجمر كله
سلوي بضحك :والله مافي، حد جمر غيرك
يالا قومي وانا هروح احضر الفطار
وبعد اقل من نصف ساعه كان الجميع حول المائدة
محمد وسلوي وولاء وحياه
وبعد الفطار محمد قالهم عندي، خبر مش عارف
هو حلو ولا وحش وبس لازم اقوله
ولاء :خير يابابا قلقتنا
محمد :الحمد لله علي كل حال
الشركه اللي بشتغل فيها اعلنت افلاسها
ومشوا كل الموظفين
سلوي بصدمه :يانهار اسود وهنعمل اي يامحمد
محمد :معندناش غير حل من اتنين
يانقعد هنا وطبعا مش هنعرف نعيش زي الناس
ياما نرجع البلد ونراضي ابويا ونستسمحه
اننا نعيش معاه لحد ماربنا يفرجها علينا انتوا عارفين ان انا كبرت ومش هلاقي شغل دلوقتي
يناسب سني فغالبا هنلجأ للحل التاني
سلوي :بعد كل السنين دي عاوزنا نرجع البلد
وبعد كل اللي حصل ابوك هيسامحك كده بسهوله
Flash back
محمد :حرام عليك يا ابوي بقولك الوظيفه
دي هتبجي فرصه عمري ومستحيل اضيعها
حامد :ممحتاجينش وظايف احنا خير ربنا كتير
ونجدروا نفتحوا شركه واتنين وتلاته من الشركه اللي انت عاوز تشتغل فيها دي
محمد :وانا رايد ابني نفسي بنفسي ومعاوزش
حاجه من حد انا هاخد مرتي وهسافر اشتغل في الشركه وهعيش هناك
حامد :لوطلعت من البيت مهتعتبهوش تاني واصل
محمد بتحدي :مهعتبهوش يا ابوي
سلوي حضري حالك هنمشي الصبح
حامد :لاه دلوك
عثمان :في نصاص اليالي ياابوي
همله لبكره النهار له عنين
حامد :قولت دلوك يبجي دلوك
اللي يسيب طبليته ابوه بكيفه ميجباش ليه مكان في بيته واصل ولا حتي علي
انه ضيف
محمد :واحنا هنمشي دلوك يا ابوي
اخد محمد وسلوي الشنط
ومشيوا وهما مش عارفين يعملوا اي
هيسافروا مصر ازاي بليل كده
سلوي:هنعمل اي دلوك يامحمد
محمد :والله مانا عارف هنروح نبيتوا
عند هويدا وفي الصبح ربنا يدبرها
مشيوا راحوا عند هويدا اللي بيتها
كان قريب من بيتهم خبط محمد علي الباب
هويدا :استرها يارب مين هياجي، في الليل
اكدة
فتحت لقيت محمد وسلوي
محمد :كيفيك ياخيتي
هويدا زينه الحمد لله ياغالي اتفضلوا ياحبيبي
دخلوا معلش ياهويدا هنجعدوا عندك سواد الليل
بس وبكرة الصبح هنمشوا علي مصر
هويدا :مصر ليه كفا الله الشر
سلوي :اخوكي عصا ابوة وخرج من طوعه
وعاوز يروح يشتغل في مصر
هويدا :ياليله سودا ليه كده يا اخوي
محمد :مستجبلي هناك ياهويدا هتنجل نجله
تانيه خالص هبجي موظف محترم وهتشوفي
هويدا :ورضا ابوك ياواد ابوي
محمد :هبجي اراضيه ان شاء الله
هويدا :ربنا يهديك يا اخوي
ناموا دلوك وفي الصبح ربنا يعدلها من عنده
Back
انا هكلم اختي هويدا
واخليها تساعدنا نرجع البلد تاني
حياه :متقلقش يابابا اكيد
جدي لما يشوفنا مش هيهون عليه يمشينا
ولاء :انا مش موافقه، يابابا مينفعش نروح
نعيش في الصعيد هما طباع وتقاليد غيرنا خالص ومش هنعرف نعيش هناك
محمد :عندك حل تاني
حياه :هدي نفسك يابابا ولاء بس مدايقه من
اللخبطه اللي حصلت دي بس احنا هنعرف نتأقلم معاهم متقلقش، ولولو هتاخد علي الجو بسرعه
وهتحبه كمان انا متأكده
محمد :ربنا يقدم اللي فيه الخير
نرجع تاني لمالك وهناء
مالك :مبسوطه يانؤتي
هناء :هموت من الخوف طياره مره واحده
مسك ايدها مالك وقالها طول ما انا معاكي
متخافيش من حاجه ابدا
هناء :قولتلك قبل كده ايدك لتوحشك ياشبح
مالك وقد تعالت ضحكاته :متوحشه انتي يعني
كده
هناء :يامالك بقي
مالك بخبث :خلاص هسيبك اهو ومسك ايدها اكتر
هناء :هو كده هتسبني يعني
مالك :عمري مااسيبك ابداً
هناء وقد احمرت وجنتيها :احم احم
مالك وقد تعالت ضحكاته :خلاص وانتي بقيتي
شبهه الطماطم كده جتك القرف في حلاوتك
هناء :مالك اتلم
مالك :حاضر هتلم علشان خلاص نازلين اهو
يالا بينا
هناء :مالك هو احنا كده اتأخرنا علي المؤتمر صح
مالك وقد عقد مابين حاجبيه :احنا اتأخرنا
فعلا
بس مش علي المؤتمر
هناء :امال اتاخرنا علي اي
مالك بهمس علي المفجأه يانؤتي
انتظروا الحلقه القادمه
9 التعليقات
حلو كملى♥️
برافو استمرى
حلوة جدا استمري ❤️❤️
وجودك احلي 🤩🤩🤩
🤩🤩
🤩🤩🤩🤩
🤩🤩🤩🤩
عاااااش اوي
كملي ربنا معاكي
التعبيراتالتعبيرات