رويتِ قلبى بعشقِك ..(رواية) بقلم .. هناء عبدالشكور (الحلقة الأولى)

   رويتِ قلبى بعشقِك ..(رواية) (الحلقة الأولى)

                           بقلم .. هناء عبدالشكور 

في صباح يوم مشمس.

في احدي قري محافظات الصعيد

استيقظت هناء من نومها علي ضوء الشمس

 الذي احتل غرفتها معلناً عن  بداية يوم جديد وكالعادة فتحت شرفه غرفتها

ووقفت تنظر الي الحديقة المحيطة بمنزلهم

فهو ليس بمنزل انه قصر كبير القرية

قصر حامد الانصاري جدها

اخذت تنظر الي جمال المنظر ولم تلقي بالا الي ذلك الذي ينظر اليها  خلسة من شرفه غرفته بكل الحب والعشق وعيناه الممتلئتان بالشغف

نعم انه هو مالك الانصاري ابن خالها

الذي يعشقها منذ ان راها اول مرة

وهي طفله بين احضان عمته هويدا 

تبكي بحرقه علي والدها الذي سافر الي احدي الدول العربية وانقطعت اخباره

ولم يعلموا احي هو ام ميت ؟!

فاق مالك من شروده عندما راها ترتدي ملابس نومها واعلن غضبه وبصوت اجش

مالك :كيف يا هانم تطلعي البلكونة اكدة ؟!

هناء: الناس بتجول صباح الخير الاول

وبعدين اكدة كيف يعني ثم نظرت الي نفسها

وشهقت وجريت دخلت اوضتها قائله

يا مرك يا هناء كيف تنسي وتطلعي البلكونة بنص كم وبشعرك افرض كان حد وعيلك يا مرك يا مرك

ثم هدأت من روعها عندما سمعت طرقات الباب

حتي لا يلاحظ احد توترها

ولم تلقي بالا للمرة الثانيه

 وذهبت تفتح  الباب بنفس ملابسها

اتسعت عيناها عندما رأته،

وقالت بصوت يكاد يكون مسموع

اقسم بالله ما خدت بالي يمالك

 والله مش هتتكرر تاني

نظر اليها مالك بخبث قائلا

اممممم ماهو واضح اهو

شهقت بشدة فوضع يده، علي فمها

واقترب من اذنها وبصوت كحفيف الافاعي

لو اتكررت تاني هدفنك مطرحك ياهانم سامعه

هزرت، راسها معلنه الايجاب

دجيجه واحدة وتكوني تحت

بسرعه البرق بدلت ملابسها ونزلت ودخلت غرفه السفرة والقت التحيه عليهم  جميعا ثم

نظرت الي المائده فلم تجد سوي

 كرسي واحد فارغ

ولسوء حظها انه بجوار مالك

نظرت اليها ليلي مرات خالهاقائله

 اجعدي ياحببتي علشان تفطري بسرعه ومتتاخريش علي جامعتك

حاضر وجلست تتناول الطعام

نظر مالك بغمزةالي اخيه الاكبر عبدالله

الذي يعلم مدي عشق مالك لهناء

الا جولي ياعبدالله

 هو لو حد خرج البلكونه بلبس خفيف

 مش ممكن ياخد برد ولا يطخله عيارين ولا اي؟!

نظر اليه عبدالله بمكر وقاله

طبعا ممكن ومش، بس اكدة ده ممكن نجيب المطافي لجاره اللي شاط واتحرج من عملته دي

نظر اليهم والدهم عثمان وقال

ماتبطل ياد انت وهو كلام بالالغاز

واتكلموا زين كيف الناس

تعالت ضحكات عبدالله قائلاً

 مالك فاهمني، زين  جوي يا ابوي

وقفت هناء وقبلت يد جدها وامها وقالت بعد اذنك ياجدي انا همشي علشان اتأخرت علي الجامعة

نظر اليها عثمان قائلا مالك هيوصلك ياحببتي

مفيش داعي ياخالي انا هروح مواصلات

عثمان :لا هيوصلك الاول وبعدين يروح علي الموقع سامع يامالك تروح وتشوف الرسومات الللي ناجصه وتشوف الشغل ماشي زين ولا عاوزين عمال، تاني،

مالك:امرك ياابوي

هناء في نفسها يانهارك اللي مش فايت ياهناء هيطلع غضبه عليكي دلوك ومحدش هيمنعه

خرج مالك وتبعته هناء فتح العربيه وجلس علي كرسي السائق وقامت هي بفتح الباب الخلفي مما جعله استشاط غضبا ونظر اليها قائلاً

انا مش سواج الهانم علشان تركبي ورا تعالي اجعدي جاري اهنه لم تكثر هناء في الحديث فهي تعلم غضبه جيداً جلست بجواره بدون ان تتفوه بكلمه واحده بينهما هو كان  يختلس اليها النظرات ثم تحدث بصوت عالي مما ارعبها فصرخت بصوت عالي  مما جعله اوقف العربيه، بسرعه

بس بس متخافيش انتي كويسه؟!

هزت راسها بصعوبه بالغه

خلاص اهدي انا اسف مكانش قصدي،

اخضك والله ولا ازعلك حجك عليا

خلاص حصل خير ولا. يهمك

تمام بس مكنتش اعرف انك بسكوته خالص

 اكدة يانوءا وتعالت ضحكاته

انت اللي مرعب انا مش بسكوته ولا حاجه

امممممم يعني مش بتخافي؟!

لا مش بخاف ومستنهاش تكمل كلامها

وساق بسرعه جامده جداً

هناء بصريخ براحه يامالك حرام عليك

مالك بضحك ليه يانؤتي ما انتي مش بتخافي ؟!

لا بخاف والله براحه بالله عليك

مالك بضحكة شريرة تؤتؤ

يامالك علشان خاطري

تؤتؤ جمدي جلبك شويه

انت بارد ومستفز ياماااااالك

تعالت ضحكاته وقالها خلاص صعبتي عليا

ووقف فجأه وقبل ما دماغها تخبط في التابلوه

 اللي قدامها وضع يده كي يتفادي الخبطه

ونظر اليها فوجد الدموع تجمعت في عيناها

فسالها بلهفه انتي كويسه؟!

فأنهارت هي في البكاء

مماجعله يلعن. نفسه فهو لايستطع رؤيتها حزينه

فاقترب منها وقام بمسح دموعها بيده الضخمه بالنسبه الي حجم وجهها فازاحته بغضب قائله

ايدك لتوحشك ياشبح

فتعالت ضحكات مالك

 وقرب منها وقالها ما انا عاوزها توحشني

هناء:يامالك بزياداك عاد

نظر اليها برفعه حاجب بجي انا بارد ومستفز

                      **********

ردي ولا الجطه كلت لسانك

انكمشت هناء علي نفسها وتحدثت بصعوبه

انا انا انا اسفه مجصديش والله

دور العربيه وقالها حسابك معايا بعدين

هناء في نفسها يانهارك اللي مش فايت ياهناء لازم لسانك ده يتجطع جبل ما يجول كلام ملهوش عازة والله مالك هيسود عيشتي ياغالبانه يانؤا

مكانش يومك ياغاليه ياصغيرة علي الهم يالوزة.

مالك:بطلي نواح وانزلي يالا وصلتي

هناء :وه وعرفت كيف اني بنوح عاد

مالك بغرور يابتي انا مالك الانصاري

 اللي مفيش حاجه تخفي عليه واصل

هتخلصي ميتي هعدي عليكي علشان نعاود سوا

هناء :مفيش داعي يامالك

نظر اليها مالك بغضب قائلا

اظن سمعتي كلامي زين هتخلصي الساعه كام

هناء وقد هرب الدم من عروقها 3

هخلص الساعه 3

ماشي هكون مستنيكي

حاضر

وقبل ان تذهب اوقفها صوته قائلا

هناء خدي بالك من نفسك

حاضر سلام وذهبت

 مالك بصوت خافت سلام ياروح جلبي

دخلت هناء المدرج علشان تحضر المحاضرات بتاعتها وذهب مالك الي موقع القريه السياحيه بتاعتهم اللي هيتم انشائها بالقرب من معبد دندرة

اول ماوصل جري عليه رئيس العمال وقاله

كيفك يابشمنهدس ؟!

الحمد لله زين ياحاج علي

ها الشغل ماشي تمام ولا في حاجه ناجصه ؟"

كله زين جوي ياولدي مناجصش بس غير الرسومات اللي حضرتك هتجيبها وهنبدا تنفيذها طوالي علشان  نسلموا شغلنا في ميعادة

طيب حاضر باذن الله بكرة هتكون كل الرسومات جاهزه انا رايح الشركه دلوك وهجبهملك معايا بكرة باذن الله في اي شكوه تاني؟!

لا ياولدي الحمد لله ربنا مايجيب شكاوي

اللهم امين يالا انا ماشي سلام عليكم

وعليكم السلام ورحمه الله وبركاته

صعد مالك سيارته وذهب مسرعاً الي اكبر شركه من شركات المقاولات في محافظه قنا بلي انها من اكبر شركات الصعيد، كله وصل مالك ودخل مكتبه

وطلع الرسومات الناقصه وبدأ يشتغل فيها اوقفه صوت صديقه حسام

حسام:السلام عليكم

مالك:وعليكم السلام ورحمه الله وبركاته

تعالي ياحسام

حسام:مادام فيها تعالي ياحسام يبجي مدايج انا ممتعودش علي الاحترام ده منك

مالك:والله انت فايج ورايج وانا مش حامل خلاجتي من اساسه

حسام باستفزاز:ليه بس يالوكه

مالك وقد عقد مابين حاجبيه :اه ياحيوان انت بتكلم واد اختك اياك

حسام وقد تعالت ضحكاته :حمدالله بالسلامه ياصاحبي هو ده مالك اللي اعرفه

مالك بابتسامه خافته :والله يا ابني انت اللي عتهون عليا اللي انا فيه

حسام :مالك بس ياصاحبي هناء برضك

مالك:وه وه شكلك ناوي علي جطع لسانك النهاردة

انت ازاي تنطج اسم حرمي المصون علي لسانك اكدة عادي جنيت اياك

حسام بضحكه مستفزة :بتغيري يابيضه ؟!

مالك:ده  انا بولع مش بغير بس

 وبعدين بذمتك انا بارد ومستفز ؟!

حسام وقد ارتسمت علي ملامحه الجديه

هي جالتلك اكده ؟!

مالك :ايوه

حسام :بصراحه عنديها حق

مالك :شكلك ناوي علي موتك النهاردة

حسام بضحك :اهون عليك يابيبي

مالك بخبث :لا متهونيش ياقلب البيبي

تعالي اما اقولك بقي

حسام :لا لا متقولش انا مخمصاك جامد، موت

مالك وقد تعالت ضحكاته :جامد موت

حسام :اممممم جامد موت فاكر ياض البت  الملزقه اللي، كانت معانا في الجامعه في مصر بذمتك مش، بقلدها حلو

مالك فشر يا اوختشي انتي احلي

حسام بمياعه :بقي كدة طب انا هروح اقول لاخوك انك بتعاكسني وشوف هو هيعمل فيك اي؟!

مالك بمكر طب تعالي بقي اقولك كلمه سر علشان تروحي تقوليله بالمرة وقام من علي المكتب وطلع يجري ورا حسام والشركه كلها كانت بتتفرج عليهم

حسام :خلاص بقي يا اسطا قطعت نفسي

وفجاءة وبصوت جهوري ماااااالك

خصم يومين يامالك انت وحسام ويالا اتفضلوا كل واحد علي شغله قالها عبدالله وانصرف الي مكتبه

ربت حسام علي كتف، مالك وقاله اخوك بيتحول في لحظه اللي يشوفه دلوقتي ميشفهوش بره الشركه والله يا ابني انا مشفق علي اللي هيتجوزها

مالك بضحك اه والله الله يكون في عونها

ثم ذهب، كل منهم الي عمله وبعد عدة ساعات

 انهي مالك الروسومات الناقصه

وذهب الي مكتب اخيه عبدالله كي يخبرة

دخل مالك المكتب والقي التحيه علي الحضور

عبدالله :اتفضل يابشمهندس

البشمهندس مالك اخويا ياحاج خالد وهو اللي هيبجي مسؤل عن رسومات الموقع الجديد

الحاج خالد:مرحبا يابشهمندس

مالك :مرحبا بيك ياحاج ان شاء الله  شغلنا يعجبك

الحاج خالد :بامر الله ياولدي بالاذن انا

عبدالله :مابدري ياحاج

بدري من عمرك ياولدي سلام عليكم.

وعليكم السلام ورحمة الله وبركاته

نظر عبدالله الي مالك نظرة حادة قائلا

مش هتبطل جلعك الماسخ ده انت وحسام

كيف منظركم جدام الموظفين دلوك

مالك بتأسف معلش انا كنت مدايج وحسام كان بيطلعني من المود واوعدك لما اكون مدايج بعد كدة هجابله برة الشركة خالص

ربت عبدالله علي كتف اخيه وقاله

واي اللي مزعلك ياجلب اخوك

مالك :لا متشغلش بالك انا كويس

عبدالله :ياواد مش علي بودي الكلام ده

مالك وقد تعالت ضحكاته وقال

والله حسام معاه حق لما قال انك بتتحول

عبدالله بغضب مصطنع والله زين بتتمسخروا عليا

مالك :منقدرش يابودي ده انت اللي

 في الحته الشمال ياولا

عبدالله وقدتعالت ضحكاته :لا  الحته الشمال مش بتاعتي دي بتاعه نوءا وبس ولا اي وغمزله

مالك بحزن ياعبدالله هي مش، حاسه ناحيتي بأي، مشاعر خالص ودايما بحسها بتتجنب الكلام معايا معرفش ليه؟

علشان انت غبي مش عارف تتعامل معاها

وعلي طول بتزعق فيها عاوزها تعمل اي يعني

ياعبدالله انا بخاف عليها من الهوا الطاير بعشجها ومش بحمل حد يبصلها بغير عليها حتي من جدي لما تجعد جارة ولا تحضنه دمي بيفور بحس اني عاوز اجوم اديها قلمين محترمين واجولها الحضن ده بتاعي انا وبس انتي فاهمه

عبدالله وقدتعالت ضحكاته :لا ده انت حالتك صعبه جوي ياولد ابوي

جوي جوي من هنا لاخر الشارع

بص اسمع مني نصيحه انا عارف انك رايح تجبها من الجامعه دلوك ادلع عليها كيف ماتجدر هزر معاها وخليها تضحك وخليك حنين معاها في حدود الادب علشان انا عارفك

مالك بشهقه للدرجه دي سمعتي وحشه ؟!

عبدالله وقد تعالت ضحكاته اووووي اووووي

ويالا اتكل من هنا لحسن. ابوك لو جه وسمعنا بنتكلم بلهجه المصراويه هيقيم علينا الحد ويقولك علمتك في مصر مش، علشان تبجي تافه علمتك علشان تبجي متفوق ومميز وسط ناسك مش، علشان تعوجلي لسانك

مالك والله ياابني لو ابوك سمعك دلوقتي وانت بتقلده هيعمل منك بطاطس محمرة يالا انا ماشي، علشان الحق نؤتي

عبدالله ربنا يجمعكم في حلاله قريب ان شاء الله

ذهب مالك واستقل سيارته متجها الي الجامعه

كانت هناء واقفه منتظراه

وليد :كيفيك يادكتورة

هناء :الحمد لله بخير

وليد :يارب دايما بخير وسعادة انتي ميلجش عليكي غير الفرح والسعاده ياهناء والله كل الزملاه هنا بيشهدوا بتربيتك واخلاقك

هناء :شكرا بعد اذنك وكانت هتمشي ولكن وليد مسك ايدها استني بس

نفضت هي ايدها بسرعه منه وقالتله

ايه اللي انت عملته ده انت اتجننت

وليد :اه مجنون بيكي ومستعد اخسر عمري كله بس اكون معاكي

شكلك هتخسرة دلوك ياحليتها قالها مالك وكان ماسكه من تلابيب قميصه وبصوت اجش بتمد ايدك علي حاجه مش بتاعتك ليه

وليد بااستفزاز ماهي هتبقي بتاعتي وبعدين انت مين علشان تمسكني كدة نزل يدك دي

نزل مالك ايده ولكنه فاجأه بصفعه قويه علي وجهه وكررها بقوة وبصوت كحفيف، الافاعي قاله  انا خطيبها ياحليتها

لو فكرت تتعرضلها تاني متلومش الا حالك لاني هدفنك مطرحك انت سامع

وليد بخوف سامع سامع ومتأسف ياهناء

مالك استغفر الله العظيم شكلي هدفنك النهاردة

وليد، ليه بس يا ابو عمو ده انا بتأسف اهو

مالك :لو نطجت اسمها تاني هجطعلك لسانك. الحلو ده علشان متعرفش تتكلم تاني انت فاهم

وليد بخوف :فاهم فاهم

سحب مالك. هناء من ايدها ودخلها العربيه وركب جنبها وكان الدم بيغلي في عروقه وساق بأقصي سرعه وهو لايري امامه سوي صورة ذلك الوقح الذي كان يحتضن يدي محبوبته فاق من شرودة عندما سمع صوت شهقاتها المكتومه

وقف مره واحدة وبصوت هادي عكس، اللي جواه قالها :بتبكي ليه انتي كويسه؟!

هزت راسها بالنفي واطلقت سراح دموعها وبصوت يكاد يكون مسموع انا خايفه يامالك

مالك، اقترب منها ومسح دموعها بأيده وقالها طول ما انا معاكي متخافيش ابدا محدش يقدر يضايقك وانا موجود وبعدين متبكيش تاني بره البيت ياهانم علشان بتزيدي حلاوة علي حلاوتك

هناء وقد احمرت وجنتيها اكثر يالا نروح

مالك بضحك :قشطه ياقشطه انتي

هناء :مالك اتلم

مالك خلاص متزقيش بس هنمشي اهو

شغل الكست وكانت اغنيه

دي جمالها اوه للا وكلامها اوه للا

خطفتني وعهد الله بره الدنيا

نفسي اكلم ماما طب لا ولا اه

ولا اه ضحكتلي هههها هههها

واختفت في ثانيه

ماتخف علينا بشويش خلي غيرك ياكل عيش

 كفايه حرام جمالك غطي علي الحلوين

وشغلي بالي بالي انا كده مش عارف اعيش نفسي اوصله بس مفيش بينا ده قلبه ميت من سنين

وكعبه عالي عالي 

دي جمالها اوه للا وكلامها اوه للا اوه للا للا

لما عيني بتيجي في عينه قلبي بيرقص باليه

وعقلي بيتربس والمفتاح معاه وناسيه ولا علي باله مش في خياله

  رغم انشغاله هعديهاله

ايوه وماله سحر جماله اوه للا اوه للا

دي جمالها اوه للا وكلامها اوه للا خطفتني وعهد الله بره الدنيا نفسي اكلم ماما طب لا ولا اه

ضحكتلي هههها ههها واختفت في ثانيه

اوه للا اوه للا اوه للا اوه للا

وخلصت الاغنيه بوصولهم البيت فتحت باب العربيه ونزلت جري دخلت السرايا ملقتش حد تحت كله في اوضته حمدت ربنا وطلعت اوضتها جري وقفلت الباب وغمضت عينها وسرحت في اللي حصل النهاردة وافتكرت كل حاجه وكانت حاسه احساس ملهوش وصف احساس اول مرة تحسه

جواها مشاعر كتير متاضربه شويه فرحانه علي خايفه وشويه حاجات كتير فوق بعض

فاقت هناء من شرودها لما سمعت خبطت علي الباب وقالت اتفضل

دخلت هويدا :حمدالله علي سلامتك ياجلب امك.

الله يسلمك يا امي

مجتيش تسلمي علي جدك زي عوايدك يعني مالك في حد مزعلك

هناء :لا يا امي انا الحمد لله بخير

 بس مرهقه شويه من المحاضرات

هويدا :سلامتك ياحببتي، ريحي هبابه لحد ما نحضروا الغدا انا ومرت خالك

لا يا امي انا كويسه هغير خلاجاتي

وانزل انا  اساعد مرت خالي

طيب ياحببتي ربنا يبارك لي فيكي ويرزجك بولد الحلال اللي يريح جلبك ويهنيكي يابتي

ربنا ميحرمنيش من دعائك الحلو ده ياجمر انتي

الله يسعدك ويفرح جلبك يابتي هنزل انا اشوف جدك عاوز حاجه ولا لا

اتفضلي، يا امي بدلت هناء ثيابها

 وذهبت اللي المطبخ

مرت خالي الجمر بتعملي اي؟!

ياحبيبه مرت خالك والله مافي حد جمر غيرك ده ياهناه اللي هتكوني معاه ومن نصيبه يانوأ

وه وه كل الكلام الحلو ده ليا انا الله يجبر بخاطرك يامرت خالي ويفرح جلبك بعبدالله ومالك يارب

 مالك :جريب جوي يابنت خالي ان شاءالله

شهقت هناء بسم الله الرحمن الرحيم بيطلعوا امتي دول حرام عليك يا اخي خضتني

مالك بغمزة :ليه يانوأ ده انتي حتي مش بتخافي

ليلي :نعم يااستاذ عاوز اي الللي جابك المطبخ دلوك مش فايجين احنا ورانا مصالح انطج عاوز اي ؟"

مالك بضحك :اديني فرصه انطج يا لوله الله وبعدين ده انا ولدك. حتي ولا انتي لجتيني علي باب جامع ولا كسبتيني في كيس شيبسي

ليلي بمرح :ولد مين ياواد ده  انا صغيرة

ازاي الشحط ده كله يبجي ولدي جال ولدي جال

هناء  وقد تعالت ضحكتها قائله بمرح :

اوبا في منتصف الجبهة دي يابشهندس.

مالك :ياابوي منكم انتوا الاتنين الواحد يروح يدور علي قطع غيار لكرامته احسن دجيجه كمان وهيبجي في ضرب بالمعالج. والشوك. وربنا يسترها وميبجاش في سكاكين بتطير في عكس الاتجاه

ليلي :ايوة اكده جدع ولدي

مالك :عيل صغير انا اياك علشان

 تجوليلي جدع ولدي يا امي

ليلي:جطع لسان اللي يجول عليك

عيل صغير ده انت زينه الشباب

 وسيد الرجاله كمان ياجلب امك انت

مالك بغرور :اخجلتم تواضعي

ليلي بحزم:طب يالا هوينا طريجك اخضر مفيجينش لجلعك دلوك

مالك :حاضر يالوله بس هاتي حضن الاول

ليلي :اهو ياسيدي وراحت حضناه وهو فضل حاضنها شويه وبيبص لهناء بخبث لحد ماوشها جاب الوان من الكسوف وهو مستمتع بشكلها كده وقالها بحبك بحبك جوووي يا امي

ليلي :وانا بحبك ياجلب امك

 وجت تخرجه من حضنها

دخل عليهم عثمان المطبخ وقال خيانه بتحضن مرتي وانا واجف ده انا اللي اسمي جوزها محضنتهاش من الصبح ودي حاجه معكرة مزاجي علي الاخر

ليلي بكسوف :وه العيال واجفه

مالك وقد تعالت ضحكاته :بتتكسفي يابطه وربنا ده جوزك افهمالك ازاي دي ها اجولك ياابوي خدها وفهمها انك جوزها براحتك وانا هساعد هناء هنا في المطبخ

عثمان بجديه :والله فكرة

 اول مره تجول حاجه زينه يامالك

مالك :اي خدمه ياحاج ابجي ادعيلي

ليلي :بزيداك انت وولدك ويالا روحوا غيروا خلاجتكم عجبال منحط الوكل علي السفرة

عثمان :حاضر يامهلبيه بالجشطه انتي

واخد مالك وطلعوا من المطبخ

هناء :يابختك يالوله بخالي والله بيتغزل فيكي ومش بيتكسف من انه يظهر حبه ليكي جدام حد

ليلي :وانا بعشجه مش بحبه وبس خالك مفيش حد  زيه واصل غيرش بس لما بيتعصب يا ابوي ببجي عاوزة اهج من البلد كلها مش من البيت بس

بس علي كد عصبيته الا انه حنين وبيراضيني علي طول ربنا يباركلي فيه وميحرمنيش منيه يارب ويرزجك ياهناء يابت هويدا بالللي يسعد جلبك ويهنيكي يارب يارب

هناء :ربنا ميحرمنيش من حنيتك يامرت خالي

بعد مرور اقل من نصف ساعه كان الطعام موضوع

علي المائدة جلس الجميع لتناول الطعام

وبعد الانتهاء تحدث مالك قائلا بعد اذن حضرتك ياجدي نقابه الصيادله عامله مؤتمر كبير جوي في اسكندريه وطبعا مؤتمر بالحجم ده لازم دكتورة العيله تكون حاضراه

الجد :اني مش موافج بزيادها العلام علي كده وبعدين ماهي مسيرها لبيتها وجوزها ومهتشتغلش يبجي  اي لازمته السفر

مالك بتسرع :ماهو انا مش معترض ياجدي جصدي يعني ان الشخص اللي هيكون جوزها مش هيعترض لما يلاجها حاجه كبيره يتشرف بيها وبعلامها جدام الخلج كلهم  وبعدين تشتغل ولا متشتغلش دي هتبجي حاجه تخصهم وهما حرين فيها

تحدث عبدالله ملطفا من حده النقاش قائلاً :

مفهاش حاجه ياجدي لما تروح المؤتمر مدام مالك هيبجي معاها وبعدين متخافش عليها هي عارف حدودها زين ومبتسمحش لحد يتعدي حدودة معاها

الجد :طب ما الطريج طويل ياولدي مهينفعش يسافروا بالعربيه وكمان هيضطروا يباتوا بره انا مش موافج

عبدالله :ماهيباتوش ياجدي

هيطلعوا بالعربيه من هنا الساعه 6الصبح ياخدولهم ساعتين عجبال مايوصلوا مطار الاقصر مش هياخدوا نص ساعه ويبجوا في اسكندريه يخلصوا مشوارهم ويرجعوا بنفس الطريجه سهله اهي ياجدي ومفيهاش اي عجد حضرتك بس جول موافج

الجد :عارف انك عتغلبني دايما

ياسي عبدالله موافج وامري لله

عبدالله :معاش ولا كان الللي يغلبك ياجدي

ثم نظر عبدالله الي اخيه مالك قائلا الا صحيح يامالك هو المؤتمر ميتي

مالك :بعد بكرة ان شاء الله

عبدالله :تمام وانتي يانوأ جهزي حالك علشان ترفعي راسنا كلنا بنفرح بنجاحك مش اكده ياعمه

هويدا :ربنا يباركلي فيكم ياولادي وميحرمنيش منكم ويسعدكم وافرح بيكم كلكم يارب

نظر عبدالله علي مالك بغمزة :جريب ياعمه جريب جوي كمان

ومر باقي اليومان بدون احداث تذكر

وفي صباح يوم المؤتمر استيقظت هناء مبكراً متحمسه جداً لخوض التجربه

فهل يتري كيف ستمر تلك التجربه علي هناء

          

                                      ............................ وإلى اللقاء فى الحلقة القادمة

 

 

______________________________